Të hënën në Burojë u mbajt përkujtimi për njëvjetorin e vdekjes së Haxhi Thaçit, babait të ish-presidentit Hashim Thaçi. Vëllezërit Thaçi pritën njerëz nga të gjitha trojet shqiptare në odën e tyre, duke shprehur solidarizim për humbjen dhe mungesën e ish-presidentit, i cili ndodhet në paraburgim në Hagë prej më shumë se pesë vitesh. Ish-këshilltari i Hashim Thaçit, Ismail Syla, kujtoi me respekt dhe dashuri baca Haxhin, duke theksuar tiparet e tij të burrërisë, bujarisë dhe njerëzisë që i mbajti deri në frymën e fundit. Në varrezën e re të Burojës, trupi i Haxhi Thaçit prehet nën një pllakë graniti me përkushtim të përjetshëm, ndërsa në kurorën e vendosur në emër të ish-presidentit shkruhej mesazhi i dashurisë dhe kujtimit të përhershëm për babanë e tij.