Berat Luzha ka rrëfyer për njohjet dhe takimet e tij me veprimtarin Kadri Zekën dhe Jusuf Gërvallën gjatë kohës që punonin në gazetën “Rilindja”. Ai ka treguar se është takuar disa herë me Kadri Zekën, madje edhe në banesën e Hydajet Hysenit, por për shkak të rregullave të konspiracionit nuk kishte dijeni që Zeka ishte i organizuar në grup. Luzha ka pranuar se dyshonte për organizimin e Zekës dhe Hysenit, por nuk kishte siguri dhe nuk diskutonin për çështje organizative.