Drejtori i Klinikës Infektive në Shkup, doktor Fadil Cana, deklaroi se nuk ka të dhëna për pacientë me shqetësime gastrointestinale të shkaktuara nga uji i pijshëm në qytet. Ai theksoi se rritja e numrit të pacientëve në klinikë është brenda normave të pritshme për shkak të temperaturave të larta dhe nuk është për shkak të ujit. Kjo përgjigje erdhi pas shqetësimeve të shprehura në rrjetet sociale për probleme shëndetësore nga uji në Shkup. Cana foli gjatë një konference për mediat në Ministrinë e Shëndetësisë, ku informoi edhe për situatën me ethet e Nilit perëndimor dhe gjendjen klinike të të prekurve në vend.