Shoqata “American Albanian Law Enforcement Association” (AALEA) ka vlerësuar lart përkushtimin dhe profesionalizmin e oficerëve me origjinë shqiptare që shërbejnë në institucionet e rendit në Shtetet e Bashkuara. Në reagimin e saj zyrtar, AALEA thekson angazhimin e lartë, disiplinën dhe integritetin që këta oficerë demonstrojnë çdo ditë në detyrë, duke kontribuar në mbrojtjen e qytetarëve dhe forcimin e besimit publik. Një vlerësim i veçantë iu bë familjes Zeqiri në New York City, të cilët përfaqësojnë me dinjitet vlerat e shërbimit publik dhe standardet më të larta të policimit modern. Përveç detyrës profesionale, oficerët shqiptaro-amerikanë ruajnë me krenari identitetin e tyre dhe shërbejnë si modele frymëzuese për brezat e rinj të diasporës shqiptare.