Major Vilson Musaj nga Forca e Sigurisë së Kosovës përfundoi me sukses kursin ndërkombëtar “International Military Cooperation Course (IMCC)” në Mbretërinë e Holandës, ku morën pjesë përfaqësues nga 20 vende të ndryshme. Ky kurs shërbeu si një platformë për shkëmbimin e përvojave profesionale dhe avancimin e njohurive në fushën e mbrojtjes dhe sigurisë, duke forcuar bashkëpunimin ndërkombëtar. Gjatë zhvillimit të kursit, major Musaj u zgjodh udhëheqës i klasës dhe përfaqësoi pjesëmarrësit në aktivitetet e programit. Në ceremoninë e diplomimit, ai mbajti fjalimin përmbyllës në emër të të gjithë pjesëmarrësve, duke shfaqur një sukses të rëndësishëm për Forcën e Sigurisë së Kosovës.