Një grup ekspertësh ndërkombëtar ka zbuluar se nga 20 pacientë të operuar në zemër në Maqedoninë e Veriut, 9 prej tyre kanë pësuar ndërhyrje pa nevojë mjekësore. Hetimi u zhvillua pas paralajmërimeve të kardiologut Sasko Kedev për abuzime dhe trajtime të panevojshme që synonin përfitime financiare nga buxheti publik dhe pacientët. Komisioni shqyrtoi me detaje 20 raste, duke mbajtur 16 mbledhje dhe duke përfshirë edhe ekspertë nga Italia dhe Sllovenia, të cilët konfirmuan se disa trajtime nuk përmbushnin standardet profesionale. Ministri i Shëndetësisë, Azir Aliu, theksoi se ndërhyrjet e panevojshme mund të kenë pasur ndikim negativ në shëndetin e pacientëve, duke ngritur shqetësime serioze për sistemin shëndetësor në vend.