Sot në Prishtinë u zhvillua Parada e Krenarisë me moton “Barazi ose Revoltë”, ku qindra pjesëmarrës, aktivistë dhe mbështetës të komunitetit LGBTQ+ marshuan në rrugët kryesore të kryeqytetit. Marshimi synon të promovojë barazinë, respektimin e të drejtave të njeriut dhe përfshirjen sociale, duke bërë thirrje për një shoqëri më gjithëpërfshirëse dhe pa diskriminim. Pjesëmarrësit mbanin pankarta dhe flamuj shumëngjyrësh, ndërsa aktiviteti u mbajt nën masa të shtuara sigurie dhe me praninë e organizatave për të drejtat e njeriut. Ndryshe nga vitet e kaluara, në këtë edicion nuk morën pjesë përfaqësues institucionalë, përfshirë kryeministrin në detyrë, Albin Kurti, çka nxiti reagime të ndryshme në publik.