Ambasada e Shteteve të Bashkuara në Shqipëri ka paralajmëruar qytetarët amerikanë për protestën e opozitës që pritet të zhvillohet në orën 19:00 në Bulevardin “Dëshmorët e Kombit” në Tiranë. Në njoftim theksohet se, megjithëse tubimi fillon në mënyrë paqësore, situata mund të ndryshojë shpejt dhe qytetarët duhet të tregohen të kujdesshëm dhe të shmangin zonën e protestës. Ambasada ka udhëzuar stafin e saj të qëndrojë larg vendit të tubimit dhe ka paralajmëruar për masa të shtuara policore, bllokime rrugësh dhe kufizime të qarkullimit. Qytetarët këshillohen të ndjekin mediat lokale për informacion të përditësuar dhe të kenë një plan emergjence për largim në rast nevoje.