Parlamenti Evropian miratoi një amendament që kërkon trajtim urgjent të përdorimit të gjuhës shqipe në provimet shtetërore të Jurisprudencës në Maqedoninë e Veriut. Në dokument theksohet nevoja për zbatimin praktik të Marrëveshjes Kornizë të Ohrit, duke kërkuar që autoritetet të mos e paraqesin si destabilizuese protestën e studentëve shqiptarë. Këta studentë kanë shprehur pakënaqësinë e tyre për moslejimin e zhvillimit të provimit në gjuhën shqipe dhe për mosrespektimin e të drejtave gjuhësore. Përfaqësuesit e tyre kanë zhvilluar një takim me deputetë të Parlamentit Evropian, duke kërkuar mbështetje dhe ndërhyrje për zgjidhjen e çështjes.