Ministri i Punëve të Jashtme dhe Tregtisë së Jashtme, Timço Mucunski, u takua me nënsekretaren për Çështje Politike të SHBA-së, Alison Huker, gjatë Forumit Strategjik të Bledit. Në këtë takim u konfirmua niveli i lartë i marrëdhënieve dypalëshe dhe u theksua vendosmëria për thellimin dhe zgjerimin e partneritetit strategjik midis dy vendeve. Diskutimet përqendroheshin në sigurinë energjetike, lidhshmërinë rajonale, bashkëpunimin ekonomik dhe tregtar, si dhe sfidat aktuale të sigurisë në kuadër të NATO-s. U nënvizua se ky partneritet dhe aleanca me SHBA-të janë një kontribut i rëndësishëm për sigurinë kolektive, stabilitetin dhe qëndrueshmërinë në rajon.