Kryeministri i Maqedonisë së Veriut, Hristijan Mickoski, ka paralajmëruar se pas 17 qershorit do të fillojnë bisedimet për rikonstruimin e Qeverisë. Ai nuk ka dhënë detaje për emrat që do të largohen apo ministritë që do të ndryshojnë, duke theksuar se do të ketë një analizë të thelluar me partnerët e koalicionit qeveritar. Këto bisedime do të fillojnë pas festimit të ditëlindjes së partisë së tij, që mbahet në Strumicë më 17 qershor në stadium. Para ndryshimeve, do të shqyrtohet plani strategjik i udhëheqjes për të përcaktuar qëllimet dhe politikat e përbashkëta të qeverisë.