Mark Joris, një alpinist 72-vjeçar nga Belgjika, i cili u zhduk në shtator të vitit 2024 gjatë një ecjeje malore në Shqipëri, është gjetur i vdekur pas gati dy vitesh kërkimesh. Mbetjet e tij mortore dhe sendet personale u zbuluan në një shpat mali në kufirin mes Shqipërisë dhe Maqedonisë së Veriut nga policia kufitare maqedonase gjatë një operacioni të rastësishëm. Vajza e tij njoftoi se analiza e ADN-së do të konfirmojë zyrtarisht identitetin, por tashmë përmes numrit IMEI të telefonit celular është vërtetuar se bëhet fjalë për babanë e saj. Sipas familjes, Marku ka humbur jetën gjatë etapës së fundit të udhëtimit të tij, ndërsa kërkimet e mëparshme kishin qenë shumë pranë vendit ku ai u gjet, por pa sukses.