Pas publikimit të një videoje dhe reagimeve të forta në publik, kryetari i komunës së Sarajit, Muhamed Elmazi, njoftoi nisjen e pastrimit me mekanizim të deponisë së rrezikshme në Radushë. Kjo deponi konsiderohet kërcënuese për mjedisin dhe për burimin e ujit Rashçe, një nga burimet kryesore në zonë. Aksioni u realizua në bashkëpunim me Qytetin e Shkupit dhe është pjesë e përpjekjeve për pastrimin e deponive të egra në territorin e komunës. Ky hap synon krijimin e hapësirave më të pastra dhe më të sigurta për banorët lokalë.