Ish-presidenti maqedonas Stevo Pendarovski ka theksuar se gjuha shqipe është zyrtare në Maqedoninë e Veriut për shkak të përqindjes së shqiptarëve në vend, rreth 20%. Ai shpjegoi se përdorimi i shqipes është rregulluar me ligjin për gjuhët, i cili është ndryshuar disa herë për të përmirësuar të drejtat e komunitetit shqiptar, por aktualisht po sfidohet në Gjykatën Kushtetuese. Pendarovski vuri në dukje se, megjithëse ligji garanton përdorimin e shqipes, në praktikë kjo e drejtë nuk zbatohet plotësisht, sidomos në institucione dhe sistemin gjyqësor. Ai paralajmëroi se nëse ligji mbetet vetëm në letër dhe përdoret për propagandë politike, atëherë nuk i shërben qytetarëve dhe mund të ketë përpjekje për ta kundërshtuar atë.