Komuna e Fushë Kosovës po finalizon punimet në rrugën kryesore që çon drejt Parkut Rekreativ “Pishat” në Sllatinë. Drejtori i infrastrukturës, Arianit Tërmkolli, ka inspektuar nga afër ecurinë e punimeve për t’u siguruar që ato po zhvillohen sipas standardeve dhe planit të paraparë. Ky projekt është pjesë e përpjekjeve të komunës për të përmirësuar infrastrukturën dhe cilësinë e jetës së banorëve të zonës. Përfundimi i rrugës pritet të lehtësojë qasjen në park dhe të rrisë shfrytëzimin e tij nga komuniteti lokal.