Organizata VLEN ka përshëndetur reagimin e shpejtë të autoriteteve dhe nisjen e hetimeve për përgjegjësinë lidhur me krizën e ujit në Gostivar. Ata theksojnë se çdo person që ka kontribuar me veprim ose mosveprim në këtë situatë duhet të përgjigjet para drejtësisë, duke theksuar se shëndeti i mijëra qytetarëve është dëmtuar nga neglizhenca dhe keqqeverisja. VLEN kërkon një hetim të thellë, të pavarur dhe gjithëpërfshirës për zbardhjen e plotë të rastit, ndërsa falënderon mobilizimin e institucioneve qendrore për ndihmën ndaj banorëve. Aktualisht, qytetarët po marrin kujdesin shëndetësor të nevojshëm dhe po sigurohet ujë i pijshëm deri në zgjidhjen përfundimtare të problemit, duke theksuar se keqqeverisja shumëvjeçare ka çmimin e saj, i cili po paguhet nga komuniteti lokal.