Kryeministri Hristijan Mickoski ka kërkuar që kryetari i Gostivarit dhe gjithë zinxhiri përgjegjës të mbajnë përgjegjësi morale për helmimin e qytetarëve në këtë qytet. Ai theksoi se Instituti i Shëndetit Publik ka përfunduar punën e vet, ndërsa tani Prokuroria Publike është në fazën e kualifikimit të veprës penale dhe hetimit të përgjegjësisë ligjore. Mickoski gjithashtu përmendi se përgjegjësi do të ketë edhe mbikëqyrësi i punimeve, i cili ka nënshkruar raportin për përfundimin e projektit të ujësjellësit, një projekt i financuar nga jashtë dhe me mbështetjen e Qeverisë. Ai nënvizoi se nga kryetari i komunës deri te të gjithë të tjerët që kanë qenë të përfshirë në këtë proces duhet të mbajnë përgjegjësi morale, ndërsa Prokuroria do të shqyrtojë përgjegjësinë ligjore në mënyrë të detajuar.