BDI denoncon vendimin e Ministrit të Shëndetësisë për formimin e Komisionit Profesional për sëmundjet malinje në Klinikën e Hematologjisë, i cili përbëhet pa asnjë mjek shqiptar. Ky veprim shihet si pjesë e një politike që prej dy vitesh synon përjashtimin sistematik të shqiptarëve nga pozitat vendimmarrëse dhe institucionet shtetërore. Sipas BDI-së, kjo është një dëshmi e qartë e ndërtimit të institucioneve monoetnike nga Qeveria aktuale, ndërsa partia VLEN hesht dhe legjitimon vendime diskriminuese. Kjo situatë vërteton se premtimet për përfaqësim të drejtë dhe adekuat ishin thjesht propagandë, ndërsa realiteti është përjashtimi i shqiptarëve nga komisionet profesionale në shëndetësi.