Në Uzhicë të Serbisë, para një tubimi të Partisë Përparimtare Serbe ku mori pjesë presidenti Aleksandar Vuçiq, u regjistruan përleshje fizike mes qytetarëve, policisë dhe mbështetësve të partisë në pushtet. Policia përdori gaz lotsjellës për të larguar demonstruesit nga Sheshi Partizan, ndërsa nuk ndërhyri mjaftueshëm për të ndaluar dhunën e pashembullt që u zhvillua gjatë incidentit. Partia e Demokratëve Evropianë reagoi ashpër, duke akuzuar Vuçiqin se nuk është i gatshëm të garantojë zgjedhje të ndershme dhe demokratike në prag të zgjedhjeve të jashtëzakonshme parlamentare që pritet të mbahen në tetor. Sipas tyre, dhuna dhe konfliktet e fundit janë një sinjal shqetësues për procesin politik në Serbi dhe për mënyrën se si po menaxhohet situata nga autoritetet.