Komuna e Gjilanit ka bërë të ditur se në ShFMU “Selami Hallaçi” janë realizuar investime të shumta që nga viti 2023 për të përmirësuar kushtet e mësimit dhe ambientet e shkollës. Janë rinovuar nyjet sanitare, dhomat mësimore, janë krijuar kabinete për shkencat e natyrës, është vendosur sistem i ri ndriçimi dhe kaldajë, si dhe janë përmirësuar hapësirat e tjera të institucionit. Së fundmi, shkolla është furnizuar me 142 banka dhe karrige të reja për nxënësit e klasave të para dhe të nënta, duke iu përgjigjur nevojave të evidentuara. Komuna ka bërë thirrje për ruajtjen e inventarit dhe pronës publike, duke theksuar përgjegjësinë e përbashkët të komunitetit shkollor për mirëmbajtjen e këtyre investimeve.