Kryetari i Malishevës, Ekrem Kastrati, ka njoftuar për përfundimin e punimeve të asfaltimit në segmentin rrugor nga Ura e Mini Transitit deri te rrethrrotullimi që çon në Stadiumin e Qytetit. Ky investim ka për qëllim përmirësimin e infrastrukturës rrugore, rritjen e sigurisë në trafik dhe lehtësimin e qarkullimit të automjeteve në këtë zonë. Nga ora 20:00 e ditës së përfundimit, segmenti do të hapet për qarkullim për mjete deri në 3.5 tonë, ndërsa nga data 4 gusht në mëngjes do të lejohet edhe qarkullimi i mjeteve mbi këtë peshë. Kryetari Kastrati falënderoi qytetarët për durimin gjatë punimeve dhe premtoi vazhdim të punës në shërbim të komunitetit.