Kryeministri Hristijan Mickoski njoftoi se më 15 korrik është dorëzuar në Bashkimin Evropian një dokument me detyrimet e plotësuara nga axhenda evropiane, duke theksuar se procesi reformues po zhvillohet me përgjegjësi dhe transparencë. Ai shprehu bindjen se Maqedonia e Veriut do të jetë përpara shumë vendeve në dinamikën e realizimit të reformave, pavarësisht përpjekjeve për të ngadalësuar procesin përmes bllokimit të Kodit zgjedhor. Mickoski theksoi se vendosmëria për të vazhduar reformat mbetet e pandryshuar, pasi ato janë në interes të shtetit, institucioneve dhe qytetarëve. Në të njëjtën linjë, edhe presidentja Gordana Siljanovska-Davkova shprehu pritshmëri për një përgjigje pozitive nga BE-ja, duke vlerësuar Maqedoninë e Veriut si një shtet lider në realizimin e reformave.