Punimet për rehabilitimin e rrugës Shtedim–Podi i Jakupit në Pejë po avancojnë me ritme të mira, duke përfshirë një segment prej 3.22 kilometrash. Ministria e Infrastrukturës dhe Transportit ka njoftuar se në këtë projekt janë investuar 560 mijë e 700 euro, ndërsa investimi total përfshin 10.1 kilometra rrugë me vlerë rreth 1.4 milion euro. Projekti realizohet në bashkëpunim me Komunën e Pejës dhe ka për qëllim përmirësimin e infrastrukturës rrugore për të siguruar kushte më të mira dhe më të sigurta për banorët e zonës. Punimet do të vazhdojnë në terren me bashkëpunimin e institucioneve dhe aktorëve të tjerë për realizimin e suksesshëm të këtij projekti infrastrukturore.