Punimet për ndërtimin e Urës së Tretë mbi lumin Ibër në Mitrovicë po ecin sipas planit dhe dinamikës së paraparë, duke shënuar përparim të rëndësishëm në këtë projekt infrastrukture. Ministria e Infrastrukturës dhe Transportit ka konfirmuar se ndërtimi po zhvillohet në përputhje me afatet dhe standardet e përcaktuara, me qëllim përfundimin e suksesshëm të projektit. Kjo urë pritet të përmirësojë ndërlidhjen rrugore midis veriut dhe jugut, duke lehtësuar qarkullimin e automjeteve dhe rritur sigurinë për pjesëmarrësit në trafik. Ministria thekson angazhimin e saj për realizimin e projekteve që kontribuojnë në zhvillimin e rrjetit rrugor dhe përmirësimin e kushteve të lëvizjes për qytetarët.