Protesta para objektit të Kuvendit të Shqipërisë është përshkallëzuar në tensione të forta mes protestuesve dhe Policisë së Shtetit. Policia ka ndërhyrë duke përdorur autobotë me ujë me presion dhe spraj me piper për të shpërndarë turmën që ka bllokuar akset rrugore pranë Parlamentit. Protestuesit kanë kundërshtuar me hedhje vezësh dhe domatesh ndaj forcave të rendit, ndërsa refuzojnë të largohen nga zona, duke krijuar një situatë të tensionuar dhe të paparashikueshme. Në orën 10:00 pritet të zhvillohet seanca plenare në Kuvend, ku pritet të marrin pjesë edhe deputetët, ndërsa situata në terren mbetet e nxehtë dhe me tensione të larta.