Komuna e Prishtinës ka njoftuar mbylljen për pesë ditë të një segmenti të rrugës “Ilir Konushevci”, nga kryqëzimi me “Lidhja e Prizrenit” deri te ai me “Vëllezërit Fazliu”. Kjo masë është marrë për shkak të punimeve në infrastrukturën rrugore që po zhvillohen në këtë zonë. Për të shmangur vonesat dhe ngarkesat në komunikacion, autoritetet kanë rekomanduar disa rrugë alternative si “Maliq Pashë Gjinolli” përmes “Bajram Bahtirit”, Unaza Qendrore dhe “Zagrebi” përmes “Vëllezërit Fazliu”, si dhe “Murat Mehmeti” me dalje në “Lidhja e Prizrenit”. Qytetarët janë lutur të tregojnë mirëkuptim dhe të planifikojnë lëvizjet e tyre duke përdorur këto rrugë alternative për të shmangur kolonat dhe vonesat gjatë periudhës së punimeve.