Ministri në detyrë i Mbrojtjes, Ejup Maqedonci, ka takuar pesë kadetët kosovarë që përfunduan me sukses pesë vite shkollim në Akademinë Ushtarake të Forcave të Armatosura të Turqisë, përfshirë një vit kurs përgatitor të gjuhës turke dhe katër vite studime ushtarake. Ai i ka uruar nëntogerët Ramadan Rexha, Gjergj Dreni, Altin Salihaj, Elmë Ramadani dhe Admirim Ismajli, duke theksuar rëndësinë e investimit në arsimimin dhe zhvillimin profesional të personelit të Forcës së Sigurisë së Kosovës (FSK). Ministria e Mbrojtjes dhe FSK-ja synojnë ndërtimin e një force moderne, profesionale dhe të ndërveprueshme me ushtritë partnere, ndërsa shkollimi në akademitë prestigjioze forcon bashkëpunimin ndërkombëtar. Maqedonci shprehu mirënjohje ndaj Republikës së Turqisë për mbështetjen e vazhdueshme në arsimimin dhe zhvillimin e pjesëtarëve të FSK-së dhe uroi kadetët për sukses në detyrat e tyre të ardhshme.