Në Beograd u zhvillua ceremonia mortore e Ratko Mlladiqit, i dënuar me burgim të përjetshëm për gjenocid dhe krime lufte, ku morën pjesë zyrtarë të lartë serbë, përfaqësues të udhëheqjes së Republika Srpskës, figura fetare dhe grupe të së djathtës ekstreme. Në varrim ishin të pranishëm gjashtë ministra të Qeverisë së Serbisë, përfshirë ministrin e Drejtësisë dhe ministrin e Mbrojtjes, si dhe djali i presidentit Aleksandar Vuçiq, ndërsa presidenti vetë mungoi për shkak të një takimi zyrtar. Ceremoninë fetare udhëhoqi patriarku i Kishës Ortodokse Serbe, Porfirije, i cili theksoi se emri i Mlladiqit do të mbetet në kujtesën e një pjese të popullit serb dhe ortodoks. Në varrim u vunë re edhe pjesëtarë të organizatave të veteranëve dhe klubeve të motoçiklistëve, përfshirë “Ujqërit e Natës”, një grup i sanksionuar ndërkombëtarisht për lidhjet me Rusinë, si dhe figura të ekstremit të djathtë dhe neonazistë të ndaluar.