Koalicioni VLEN ka kritikuar ashpër Bashkimin Demokratik për Integrim (BDI), duke e akuzuar atë për instrumentalizimin e protestave të studentëve për interesa politike dhe për tentativën e rikthimit në skenë të figurave të saj të përziera më parë nga votuesit shqiptarë. Sipas VLEN, BDI-ja, pas 20 vitesh në pushtet, nuk ka arritur të zgjidhë çështjen e provimit të jurisprudencës në gjuhën shqipe dhe tani po përpiqet të përdorë të rinjtë dhe familjarët e funksionarëve për protesta politike. Koalicioni thekson se protestat nuk përfaqësojnë interesat reale të studentëve, por janë një lojë e tejdukshme politike që nuk do të lejojnë të vazhdojë. VLEN premton se do të adresojë problemet e pazgjidhura nga BDI, duke theksuar se koha e “agallëkut politik” ka marrë fund dhe studentët nuk janë pronë e asnjë partie.