Bashkimi Demokratik për Integrim ka reaguar ashpër ndaj promovimit të punimeve nga kryetari i Komunës së Tetovës, Bilall Kasami, duke e akuzuar për manipulim të opinionit publik lidhur me projektin e rrugës Tetovë–Prizren. Sipas BDI-së, lokacioni ku u promovuan punimet nuk është pjesë e trasesë së rrugës dhe Komuna e Tetovës nuk ka kompetencë për realizimin e këtij projekti, pasi rruga është shtetërore. Partia opozitare thekson se punimet e paraqitura nuk kanë projekt themelor, leje ndërtimi apo shpronësim të pronave private, duke vënë në pikëpyetje ligjshmërinë e tyre. Në përfundim, BDI thekson se pa projekt dhe leje nuk mund të ndërtohet rrugë, por vetëm të prodhohet një gënjeshtër nga pushteti.