Presidenti i Shqipërisë, Bajram Begaj, u prit në Tetovë nga kryetari i komunës, Bilall Kasami, ku diskutuan për forcimin e bashkëpunimit ndërmjet institucioneve dhe përkrahjen e projekteve me interes për qytetarët. Gjatë vizitës, Begaj theksoi rëndësinë e Marrëveshjes së Ohrit dhe zbatimin e Ligjit të Gjuhëve, duke nënvizuar nevojën për ruajtjen e gjuhës, traditave dhe identitetit shqiptar në Maqedoninë e Veriut. Kryetari Kasami vlerësoi vizitën si një shprehje të lidhjes së fortë mes shqiptarëve në rajon dhe Shqipërisë, duke e konsideruar bashkëpunimin institucional si një investim në zhvillimin dhe mirëqenien e komunitetit shqiptar. Përveç takimit institucional, për presidentin Begaj u organizua edhe një program kulturor-artistik, ndërsa vizita vazhdoi më pas në Gostivar.