Kryetari i Bashkisë Metropolitane të Izmirit, Cemil Tugay, vizitoi Prishtinën ku u prit nga nënkryetari i kryeqytetit, Florian Dushi. Gjatë takimit u diskutua thellimi i bashkëpunimit mes dy qyteteve, duke përfshirë projekte dhe nisma të përbashkëta në fusha të ndryshme me interes të përbashkët. Fokus i veçantë iu kushtua kulturës, promovimit të traditave dhe trashëgimisë së përbashkët, si dhe shkëmbimeve institucionale që pritet të forcojnë lidhjet mes qytetarëve. U theksua edhe roli i komunitetit me prejardhje nga Kosova në Izmir si një urë miqësie dhe bashkëpunimi mes Kosovës dhe Turqisë, ndërsa Prishtina shprehu gatishmërinë për të vazhduar dhe konkretizuar këtë bashkëpunim.