Kryetari i Prishtinës, Përparim Rama, zhvilloi një takim me ambasadorin suedez Jonas Wosterlund dhe studiuesin e diabetit Dr. Yang de Marinis, ku diskutuan për mënyrat se si Prishtina po kontribuon në luftën kundër diabetit përmes transformimit urban. Gjatë takimit u fol për hulumtime dhe produkte inovative që mundësojnë parashikimin e diabetit deri në 20 vite më herët, duke theksuar rëndësinë e parandalimit të sëmundjes. Këto diskutime synojnë forcimin e vizionit për një kryeqytet më të shëndetshëm dhe të orientuar drejt parandalimit të diabetit. Përparim Rama theksoi rëndësinë e bashkëpunimit ndërkombëtar dhe inovacionit në përmirësimin e shëndetit publik në Prishtinë.