Kryetari i Prishtinës, Përparim Rama, priti në takim kryetarin e Prefekturës së Qarkut të Tiranës, Shkëlqim Hajdari, ku u diskutua për forcimin e bashkëpunimit ndërmjet dy kryeqyteteve. Rama theksoi se Prishtina dhe Tirana kanë një potencial të jashtëzakonshëm kur ecin bashkë me vizion, koordinim dhe partneritet që shërben zhvillimit të përbashkët. Gjatë takimit u fol për mënyrat se si të dy qytetet mund të afrohen më shumë përmes zhvillimit ekonomik, turizmit dhe projekteve konkrete që krijojnë mundësi për qytetarët. Bashkëpunimi do të zgjerohet edhe në fusha të tjera, duke ndërtuar ura që forcojnë hapësirën shqiptare në ekonomi, kulturë dhe zhvillim.