Prishtina po përballet me një problem të theksuar të menaxhimit të mbeturinave, duke u shndërruar vende-vende në deponi të hapura. Pavarësisht përpjekjeve të institucioneve lokale dhe ndërmarrjeve publike për pastrimin e qytetit, kontejnerët mbeten të stërmbushur dhe mbeturinat shpesh hidhen jashtë vendeve të caktuara, duke krijuar një problem të përditshëm për banorët. Ky fenomen përkeqësohet sidomos gjatë verës, kur kundërmimi rrit rrezikun për shëndetin publik. Banorët vetë pranojnë mungesën e kulturës së duhur për trajtimin e mbeturinave, ndërsa autoritetet monitorojnë dhe gjobitin shkelësit, por sfida mbetet e madhe.