Kryeqyteti i Prishtinës vazhdon të përballet me kolonat e trafikut, sidomos gjatë orëve të pikut, duke krijuar tollovi në komunikacion. Komuna e Prishtinës, përmes zëdhënësit Donat Lushaku, ka bërë me dije se po zhvillohen projekte të mëdha infrastrukturore si rruga “A”, vazhdimi i rrugës “B”, unaza e brendshme dhe unaza e jashtme, të cilat pritet të lehtësojnë trafikun në qytet. Projekti i rrugës “B” është pothuajse i përfunduar dhe do të lidhet me rrugën “A”, ndërsa unaza e jashtme është një projekt madhor që po realizohet me mbështetjen e nivelit qendror. Të gjitha këto investime pritet të përfundojnë gjatë mandatit katërvjeçar të kryetarit Përparim Rama, duke sjellë përmirësim të dukshëm në menaxhimin e trafikut në Prishtinë.