Lidhja Auto-Moto e Maqedonisë (LAMM) njofton se trafiku në rrugët shtetërore po zhvillohet normalisht dhe rrugët janë të thata, me intensitet mesatar jashtë zonave urbane. Në vendkalimet kufitare Bogorodicë dhe Dojran është vërejtur një rritje e frekuencës së automjeteve që hyjnë në vend, ku koha e pritjes arrin deri në 30 minuta. Në pikat e tjera kufitare nuk ka vonesa të gjata për hyrje apo dalje nga vendi. LAMM rekomandon shoferëve të respektojnë sinjalizimin dhe të drejtojnë me kujdes, sidomos në rrugët që kalojnë nëpër lugina dhe gryka, ku ekziston rreziku i rrëshqitjeve të dheut në disa segmente të caktuara.