Trafiku në rrugët shtetërore të Maqedonisë po zhvillohet normalisht dhe rrugët janë të thata, por intensiteti jashtë zonave urbane është rritur dukshëm. Në pikën kufitare Tabanovce, udhëtarët përballen me pritje deri në 40 minuta për hyrje dhe dalje nga vendi, ndërsa në Bogorodicë pritjet për dalje janë rreth 30 minuta. Në pikat e tjera kufitare nuk raportohen vonesa të gjata. Shoqata e Automobilave të Maqedonisë ka bërë apel për menaxhim të kujdesshëm të automjeteve, respektim të shpejtësisë dhe sinjalistikës, sidomos në zonat ku ka rrezik për rrëshqitje të dheut.