Sipas të dhënave të fundit nga Qendra Kombëtare për Menaxhim Kufitar, në shumicën e pikave kufitare të Kosovës pritjet për automjetet janë të shkurtra, nga dy deri në dhjetë minuta, pa kolona të raportuara. Pritja më e gjatë në hyrje është në Jarinjë, ku qytetarët presin deri në 15 minuta, ndërsa në dalje pritjet janë më të shkurtra. Në Vërmicë është regjistruar një kolonë prej rreth 40 metrash në hyrje, me pritje nga pesë deri në dhjetë minuta, ndërsa në dalje pritjet janë më të shpejta. Për kamionët, pritjet janë të shkurtëra në të gjitha pikat kufitare, duke mos u raportuar kolona.