Aktualisht, pritjet në pikat kufitare të Kosovës janë kryesisht të shkurtra dhe qarkullimi zhvillohet me lehtësi në shumicën e vendkalimeve. Megjithatë, pika kufitare në Merdarë regjistron pritjet më të gjata për dalje nga vendi, ku udhëtarët presin deri në 30 minuta. Në hyrje në Merdarë pritjet janë më të shkurtra, nga 3 deri në 5 minuta, ndërsa në Dheu i Bardhë pritjet në të dyja drejtimet arrijnë rreth 20 minuta. Pikat e tjera kufitare si Han i Elezit, Bërnjak, Glloboqicë, Jarinjë dhe të tjera kanë pritje minimale, nga 1 deri në 10 minuta, ndërsa autoritetet vazhdojnë monitorimin e fluksit për të parandaluar krijimin e kolonave gjatë ditës.