Aktualisht, qarkullimi në pikat e kalimit kufitar të Kosovës zhvillohet pa ngarkesa të mëdha dhe pritjet për automjete janë kryesisht të shkurtra. Sipas të dhënave të fundit të Qendrës Kombëtare për Menaxhim Kufitar, pritjet më të gjata regjistrohen në Jarinjë, ku për dalje nga Kosova automjetet presin deri në 25 minuta, ndërsa në Dheu i Bardhë pritjet për dalje arrijnë deri në 20 minuta. Në shumicën e pikave të tjera kufitare, pritjet për hyrje dhe dalje variojnë nga 1 deri në 10 minuta, dhe nuk ka kolona të gjata të automjeteve. Për kamionët, pritjet janë të shkurtëra, kryesisht nga 3 deri në 5 minuta, duke treguar një situatë të qetë dhe të menaxhuar mirë në pikat kufitare.