Kryeministri Edi Rama ka publikuar projektin e ri turistik që do të ndërtohet në zonën e Zvërnecit, duke u përgjigjur ndaj polemikave dhe protestave të qytetarëve. Ai e ka cilësuar reagimin negativ si një “luftë hibride” dhe manipulim në rrjetet sociale nga armiqtë e Shqipërisë dhe konkurentët e saj turistikë. Rama ka zbuluar se investitorët janë dy vëllezër nga Katari, bashkëpronarë të konglomeratit global Power Holding, të cilët kanë blerë truallin me transaksione bankare të certifikuara nga institucionet shqiptare dhe ndërkombëtare. Kryeministri thekson se projekti përfaqëson një zhvillim në harmoni me natyrën, duke përmendur edhe dy ishujt e mëparshëm të ndërtuar nga e njëjta kompani.