Ndërtimi i segmentit të dytë të hekurudhës Belljakovcë – Kriva Pallankë, pjesë e Korridorit 8 drejt Bullgarisë, ka arritur një progres prej 36 për qind dhe pritet të përfundojë deri në vitin 2031. Projekti përfshin ndërtimin e 29 urave, 15 tuneleve, gjashtë mbikalimeve dhe tre nënkalimeve në një gjatësi prej 34 kilometrash, duke e bërë atë një nga më sfiduesit inxhinierikë në Maqedoni. Zëvendëskryeministri Aleksandar Nikolloski theksoi se linja do të jetë e projektuar për shpejtësi 100-120 km/orë dhe se deri në fund të vitit 2028 pritet të fillojë qarkullimi i trenave në segmentin aktual. Pas përfundimit të këtij segmenti, do të nisë ndërtimi i segmentit të tretë drejt kufirit me Bullgarinë, ku do të ndërtohet edhe tuneli bashkë me palën bullgare, duke synuar përfundimin e plotë të lidhjes hekurudhore deri në vitin 2031.