Protesta qytetare në Tiranë ka hyrë në ditën e 42-të radhazi, me qytetarë që janë mbledhur sërish në sheshin “Skënderbej” për të shprehur pakënaqësitë e tyre. Marshimi i tyre vijoi përgjatë Bulevardit “Dëshmorët e Kombit” drejt godinës së Kryeministrisë, ku u zhvillua një tubim me fjalime nga përfaqësues të protestës dhe qytetarë të ndryshëm. Protestuesit kërkojnë largimin e kryeministrit Edi Rama dhe të gjithë klasës së vjetër politike, ndryshimin e ligjit zgjedhor, shfuqizimin e ndryshimeve në ligjin për zonat e mbrojtura, si dhe krijimin e një qeverie teknike. Gjatë tubimit u shprehën kritika ndaj qeverisë dhe opozitës, ndërsa u kërkua një ndryshim rrënjësor në mënyrën e funksionimit të politikës në vend.