Kryeministri Hristijan Mickoski ka reaguar ndaj paralajmërimeve për protesta të studentëve të jurisprudencës që do të mbahen më 18 maj në Shkup, duke i ftuar ata të kenë durim. Ai theksoi se qeveria po punon për një zgjidhje që do të prezantohet së shpejti dhe do të jetë në përputhje me rekomandimet e Komisionit të Venecias dhe standardet ndërkombëtare. Mickoski gjithashtu kritikoi forcat politike që sipas tij synojnë të krijojnë trazira dhe konflikte në vend, duke theksuar se kanë pasur mundësi për më shumë se 20 vjet për të adresuar këtë çështje. Studentët shqiptarë nga fakultetet juridike të tri universiteteve me mësim në shqip (UT, UNT dhe UEJL) kanë paralajmëruar protestën e dytë radhazi për mbrojtjen e përdorimit të gjuhës shqipe në provimet shtetërore, duke ftuar qytetarët për mobilizim më 18 maj para Urës së Gurit në Shkup.