Shqipëria është përfshirë nga protesta masive kundër ndërtimit të një resorti luksoz në zonën e Zvërnecit, Ishullit të Sazanit dhe Lagunës së Nartës, një habitat i rëndësishëm për shpendët shtegtarë si flamingot. Qytetarët kanë krijuar një video me Inteligjencë Artificiale ku kryeministri Edi Rama shfaqet i veshur me minifund, taka dhe sytjena, duke përdorur simbolin e flamingos si pjesë të protestës. Videoja është shpërndarë gjerësisht në rrjetet sociale, ndërsa Rama ka reaguar me ironi duke e ripostuar në Instagram me mbishkrimin “Kush e ka bërë, hallall”. Ky projekt turistik, i mbështetur nga Rama, është kundërshtuar fuqishëm nga qytetarët dhe aktivistët për shkak të ndikimit në zonat natyrore të mbrojtura dhe speciet e rralla që jetojnë aty.