Të dhënat e INSTAT tregojnë një rënie të ndjeshme të numrit të martesave në Shqipëri gjatë viteve të fundit, nga rreth 24 mijë në vitin 2014 në vetëm 16,120 në vitin 2024. Shkaktarët kryesorë janë emigrimi i të rinjve, vështirësitë ekonomike si sigurimi i një banese dhe pasiguria për të ardhmen e përbashkët. Sociologia Entela Binjaku thekson se ndryshimi i stilit të jetesës dhe kalimi nga familja tradicionale në atë moderne ka bërë që shumë të rinj të zgjedhin bashkëjetesën në vend të martesës. Ekspertët rekomandojnë mbështetje më të madhe nga shteti për familjet e reja, përfshirë kredi të buta, programe për blerjen e banesave dhe përkrahje për shtatzënitë dhe lindshmërinë.