KRU Mitrovica ka njoftuar për punime të planifikuara në rrjetin e ujësjellësit dhe kanalizimit në disa lagje dhe fshatra të qytetit. Punimet do të zhvillohen në rrugë të ndryshme si “Ehat Prekazi”, “Ernest Koliqi”, “Jakup Ceraja”, si dhe në fshatrat Suhodoll dhe Kqiq i Madh, ndërsa në rrjetin e kanalizimit në rrugën “Bajram Curri”, “Adriatikut” dhe fshatin Koshtovë. Gjatë punimeve, furnizimi me ujë të pijshëm mund të ndërpritet përkohësisht, dhe pas rikthimit të tij mund të shfaqet turbullirë e përkohshme. KRU Mitrovica ka kërkuar mirëkuptim nga banorët dhe ka rekomanduar që në rast turbullire të ujit, të lejohet rrjedhja e ujit për disa minuta derisa të kthjellohet.