Kompania Rajonale e Ujësjellësit "Mitrovica" ka njoftuar se sot do të kryhen intervenime të planifikuara në rrjetin e ujësjellësit dhe kanalizimit në komunën e Vushtrrisë. Punimet do të zhvillohen në fshatrat Dobërllukë, Shtitaricë dhe Dalak për ujësjellësin, si dhe në rrugët "Lumni Surdulli", "Skënderbeu" dhe "Ana Lin" për kanalizimin. Gjatë punimeve priten ndërprerje të përkohshme të furnizimit me ujë, ndërsa pas rikthimit të tij, uji mund të jetë i turbullt për shkak të ndryshimeve në presion. Autoritetet u bëjnë thirrje qytetarëve që të lënë ujin të rrjedhë disa minuta në rast turbullire dhe falënderojnë për mirëkuptimin dhe bashkëpunimin.