Kompania Rajonale e Ujësjellësit “Mitrovica” ka nisur intervenime në rrjetin e ujësjellësit dhe kanalizimit në disa zona të qytetit dhe fshatrave përreth. Për shkak të punimeve, furnizimi me ujë të pijshëm do të ndërpritet përkohësisht në rrugët “Fatime Hetemi”, “Bislim Bajgora”, “Korça”, “Ali Zeneli”, “Ferat Draga” dhe në fshatrat Shupkofc, Frashër, Suhodoll, Vinarc i Epërm. Po ashtu, punime po kryhen në rrjetin e kanalizimit në disa rrugë të tjera, ndërsa ekipet teknike janë në terren duke punuar për zgjidhjen e problemit dhe rikthimin sa më të shpejtë të furnizimit. Pas rikthimit të ujit, mund të paraqitet turbullirë e përkohshme, ndaj banorët këshillohen të lënë rubinetin të rrjedhë disa minuta derisa uji të kthjellohet.